सांगली : पारिजात अॅकॅडमीतर्फे प्रथमच वैदिक गणित प्रावीण्य परीक्षेचे आयोजन करण्यात येत आहे. संपूर्णपणे वैदिक गणितावर आधारित असलेली ही परीक्षा २५ डिसेंबर २०१७ रोजी घेण्यात येणार आहे.
प्रथमच होणाऱ्या या परीक्षेसाठी सांगली, मिरज, कुपवाड येथे वैदिक गणित प्रशिक्षण वर्ग सुरू करण्यात येत आहेत. येथील महानगरपालिका विभागातील कोणत्याही शाळेतील विद्यार्थी या परीक्षेस बसू शकतात. इयत्ता पाचवीपासून पुढील विद्यार्थ्यांसाठी ही परीक्षा घेण्यात येणार आहे, जेणेकरून मुलांचा अंकगणिताचा पाया पक्का होईल. परीक्षा १०० गुणांची असून, वेग व अचूकता या दोन गोष्टींवर ती आधारित आहे. इच्छुक विद्यार्थ्यांनी आपली नावे अॅकॅडमीच्या गावभाग शाखेत सकाळी आठ ते ११ या वेळेत नोंदवावीत, अशी माहिती आयोजकांनी दिली असून, परीक्षा फी फक्त १०० रुपये असेल. परीक्षेत प्रथम येणाऱ्या पाच विद्यार्थ्यांना बक्षिसे दिली जाणार आहेत. तसेच प्रत्येकाला सहभागाचे प्रमाणपत्रही दिले जाणार असल्याचे आयोजकांनी सांगितले आहे.
अधिक माहितीसाठी संपर्क : विजय कुलकर्णी : ९६०४५ ५५१९३
प्रताप शिंदे : ९१४६१ ८३९९९